Davlat bojxona qo‘mitasi jismoniy shaxslar tomonidan notijoriy maqsadlarda O‘zbekistonga olib kelinadigan tovarlarni deklaratsiyalashning yangi tartibini joriy etishni taklif qildi. Bu “Notijoriy maqsadlarda tovarlar jismoniy shaxslar harakati tartibini takomillashtirish to‘g‘risida”gi prezident qarori loyihasida ko‘zda tutilgan.
Hujjat bilan 2020-yilning 1-yanvaridan bojxona to‘lovlarini undirishning soddalashtirilgan tartibini joriy etish taklif qilinmoqda. Bu xalqaro pochta va kuryer orqali kelgan tovarlar, shu jumladan, notijoriy maqsadlarda chegara orqali tovarlarni (bagaj bilan birga) olib kirishda bojxona to‘lovlari evaziga yagona bojxona to‘lovini to‘lashni nazarda tutadi.
Yagona bojxona to‘lovi tovar nomenklaturasi va ishlab chiqarilgan mamlakatdan qat’i nazar, tovarlarning barcha toifalari bo‘yicha tovarlarning bojxona qiymatidan kelib chiqib, bojxona to‘lovlari bilan qoplanmaydigan tovarlarni respublikaga olib kirishning cheklangan normalari oshib ketganda undiriladi. Istisno: spirtli ichimliklar, shu jumladan, pivo, tamaki mahsulotlari, parfyumeriya va atir, qimmatbaho metallar va toshlardan tayyorlangan zargarlik buyumlari.
Yagona bojxona to‘lovining tavsiya etilayotgan miqdori:
oziq-ovqat mahsulotlari uchun — qiymatining 30 foizi, lekin bir kilogramm uchun kamida 2 dollar;
nooziq-ovqat mahsulotlari uchun — qiymatning 50 foizi, lekin bir kilogramm uchun kamida 4 dollar.
To‘lovni qo‘llashda bojxona to‘lovlari miqdori advalor (qiymatdan) va muayyan stavkalar bo‘yicha hisoblangan summalarning eng katta miqdoriga teng.
Bundan tashqari, 2020-yildan boshlab jismoniy shaxslar tomonidan chegara orqali qo‘l yukida olib kirilayotgan go‘sht-sut mahsulotlari qadog‘ining majburiy mavjudligi to‘g‘risidagi talabni joriy etish taklif etilmoqda.
Qaror loyihasi muhokamasi 6-noyabrga qadar davom etadi.
Izoh (0)