Oliy Majlisi Qonunchilik palatasi saylovlarini yoritish bo‘yicha Xalqaro matbuot markazi 2019-yil 22-dekabrda bo‘ladigan saylovlarni tashkil etishda respublika bo‘ylab qancha miqdorda jihozlardan foydalanishini ma’lum qildi.
Qayd etilishicha, 2019-yilgi saylovlarda 63 million atrofida saylov byulletenlari tarqatiladi, 10 500 ta saylov qutisi, 10 500 ta ko‘chma saylov qutisi va xuddi shuncha saylov kabinasidan foydalaniladi.
Shuningdek, saylovda 800 000 ta chaqiruv plakatlari, 34 000 ta saylov haqidagi axborot stendi, 16 500 ta nomzodlar haqidagi axborot stendidan foydlaniladi.
Bundan avval Qonunchilik palatasi deputatlari saylovi byulleteni qanday ko‘rinishda bo‘lishi haqida xabar berilgan edi.
Eslatib o‘tamiz, 2019-yil 22-dekabrni Oliy Majlis Qonunchilik palatasi deputatlari va mahalliy kengashlar deputatlari saylovi kuni deb belgilandi. Joriy saylovlarda 20 milliondan ortiq saylovchi — shulardan 2 milliondan ziyod yoshlar ilk bor ovoz beradi. Ushbu saylovlarga davlat budjetidan 230 milliard 549 million so‘m mablag‘ ajratilgan.
Izoh (0)