Давлат божхона қўмитаси жисмоний шахслар томонидан нотижорий мақсадларда Ўзбекистонга олиб келинадиган товарларни декларациялашнинг янги тартибини жорий этишни таклиф қилди. Бу «Нотижорий мақсадларда товарлар жисмоний шахслар ҳаракати тартибини такомиллаштириш тўғрисида»ги президент қарори лойиҳасида кўзда тутилган.
Ҳужжат билан 2020 йилнинг 1 январидан божхона тўловларини ундиришнинг соддалаштирилган тартибини жорий этиш таклиф қилинмоқда. Бу халқаро почта ва курьер орқали келган товарлар, шу жумладан, нотижорий мақсадларда чегара орқали товарларни (багаж билан бирга) олиб киришда божхона тўловлари эвазига ягона божхона тўловини тўлашни назарда тутади.
Ягона божхона тўлови товар номенклатураси ва ишлаб чиқарилган мамлакатдан қатъи назар, товарларнинг барча тоифалари бўйича товарларнинг божхона қийматидан келиб чиқиб, божхона тўловлари билан қопланмайдиган товарларни республикага олиб киришнинг чекланган нормалари ошиб кетганда ундирилади. Истисно: спиртли ичимликлар, шу жумладан, пиво, тамаки маҳсулотлари, парфюмерия ва атир, қимматбаҳо металлар ва тошлардан тайёрланган заргарлик буюмлари.
Ягона божхона тўловининг тавсия этилаётган миқдори:
озиқ-овқат маҳсулотлари учун — қийматининг 30 фоизи, лекин бир килограмм учун камида 2 доллар;
ноозиқ-овқат маҳсулотлари учун — қийматнинг 50 фоизи, лекин бир килограмм учун камида 4 доллар.
Тўловни қўллашда божхона тўловлари миқдори адвалор (қийматдан) ва муайян ставкалар бўйича ҳисобланган суммаларнинг энг катта миқдорига тенг.
Бундан ташқари, 2020 йилдан бошлаб жисмоний шахслар томонидан чегара орқали қўл юкида олиб кирилаётган гўшт-сут маҳсулотлари қадоғининг мажбурий мавжудлиги тўғрисидаги талабни жорий этиш таклиф этилмоқда.
Қарор лойиҳаси муҳокамаси 6 ноябрга қадар давом этади.
Изоҳ (0)