Yamanning vaqtinchalik poytaxti Adandagi BAA qo‘shinlari mahalliy aeroportni nazorat qilishni Saudiya Arabistoni koalitsiyasi harbiylariga topshirdi. Bu haqda “TASS” xabar berdi.
Qo‘shinlarning bunday almashinuvi ikki oy avval Janubiy o‘tish kengashi va xalqaro tan olingan Yaman hukumati o‘rtasidagi keskinlikni kamaytirish maqsadida amalga oshirilgan. Avval BAA harbiylari o‘rnida Saudiya kuchlarining Adanga kiritilishi kelishib olingandi.
Isyonchi-xusiylar Sanoni egallaganidan so‘ng hukumat kuchlari hamda BAA Janubiy o‘tish kengashi tarafdorlari o‘rtasida qurolli to‘qnashuvlar boshlanib ketgan vaqtda mamlakat hukumati 7-avgustda Adanga joylashgandi. Separatistlar prezident Abd Rabbo Mansur Hodiyni lavozimdan chetlatishga uringan va davlat idoralari, davlat rahbari saroyini ham egallagan.
Bir necha kundan keyin Saudiya Arabistonining aralashuvi natijasida janubliklar egallagan binolarini tark etish va Jiddada hukumat vakillari bilan muzokara o‘tkazishga rozilik bildirgan. Ammo keyin ular boshqa viloyatlarda yana yangi hududlarni egallay boshladi. Saudiya vositachilari esa to‘g‘ridan to‘g‘ri o‘tkazilmagan muzokaralarda ikki dushman tomon o‘rtasida muayyan natijaga erishdi va ular murosaga yaqin edi. Kelishuvga ko‘ra, Janub o‘tish kengashi bir nechta vazirliklarni boshqarish, o‘z vazirlar mahkamasi va harbiy qo‘shinlari ega bo‘lishi shartini qo‘ygan.BAA qo‘shinlari Saudiya Arabistoni harbiy kuchlarining almashinuviga o‘tgan haftada tayyorlanishni boshlagandi. Saudiya vakillari Adan ichkarisiga kirib avval amirliklar qo‘shini bo‘lgan hududlarni nazorat ostiga olishda davom etmoqda.
Izoh (0)