Yaponiyaga “Xagibis” to‘foni yopirilishi oqibatida halok bo‘lganlar soni 61 kishiga yetdi. Bu haqda “RIA Novosti” xabar bermoqda.
Yana 13 kishi bedarak yo‘qolgan hisoblanmoqda, 200 nafardan ortiq odam jarohat olgan.
To‘fon shiddatli yomg‘irlar bilan birga keldi, mamlakatning ayrim hududlarida ikki sutka davomida 1,5—2 oylik normadagi yog‘inlar kuzatilgan. Ular tufayli Yaponiyadagi 37 ta daryoda 52 joyda himoya dambalari vayron bo‘lgan, ko‘plab turar joylar suv ostida qolgan.
Tabiiy ofatdan eng ko‘p Fukusima, Miyagi, Kanagava, Totigi, Saitama, Nagano va Sidzuoka prefekturalari jabr ko‘rgani aytilmoqda.
Qayd etilishicha, 13 ta prefekturadagi 138 ming xonadon suvsiz qolmoqda. 34 ming uyda elektr energiyasi yo‘q.
Izoh (0)