Яманнинг вақтинчалик пойтахти Адандаги БАА қўшинлари маҳаллий аэропортни назорат қилишни Саудия Арабистони коалицияси ҳарбийларига топширди. Бу ҳақда «ТАСС» хабар берди.
Қўшинларнинг бундай алмашинуви икки ой аввал Жанубий ўтиш кенгаши ва халқаро тан олинган Яман ҳукумати ўртасидаги кескинликни камайтириш мақсадида амалга оширилган. Аввал БАА ҳарбийлари ўрнида Саудия кучларининг Аданга киритилиши келишиб олинганди.
Исёнчи-хусийлар Санони эгаллаганидан сўнг ҳукумат кучлари ҳамда БАА Жанубий ўтиш кенгаши тарафдорлари ўртасида қуролли тўқнашувлар бошланиб кетган вақтда мамлакат ҳукумати 7 августда Аданга жойлашганди. Сепаратистлар президент Абд Раббо Мансур Ҳодийни лавозимдан четлатишга уринган ва давлат идоралари, давлат раҳбари саройини ҳам эгаллаган.
Мавзуга доир: Араб коалицияси Яманда ҳарбий операцияларни бошлади
БАА қўшинлари Саудия Арабистони ҳарбий кучларининг алмашинувига ўтган ҳафтада тайёрланишни бошлаганди. Саудия вакиллари Адан ичкарисига кириб аввал амирликлар қўшини бўлган ҳудудларни назорат остига олишда давом этмоқда.
Изоҳ (0)