Google sobiq xodimi Lara Nolan sun’iy intellektli qurol yaratish xavfli oqibatlarga olib kelishi mumkinligidan ogohlantirdi, deb xabar bermoqda DailyStar.
Nolan Google kompaniyasini o‘tgan yili tark etgan. Bu uning AQSh armiyasi uchun harbiy dronlar ishlab chiqarish loyihasiga tayinlanganiga qarshi norozilik belgisi bo‘lgan. Uning aytishicha, shundan buyon sun’iy intellektli qurol ishlab chiqarish kuchaydi va u davlatlar rahbarlarini bu muammoga jiddiyroq munosabatda bo‘lishga chaqirmoqda.
Agar biror hududda ko‘plab avtonom qurollar bo‘lsa, jangovar tizimlar bir-biriga qarshi to‘qnashib, ziddiyatli “to‘satdan urush” holati yuzaga kelishi mumkin.
Lara harbiy sun’iy intellekt tizimini fond birjasidagi avtomat algoritmlarga qiyoslagan. Ammo uni “o‘chirish” mumkin, harbiy tizimda esa bunday imkoniyat yo‘q. Eng yomoni, to‘satdan yuzaga kelgan urush butun boshli shaharni bir necha soniyalarda yo‘q qilib yuborishi mumkin.
Lara Nolan Campaign to Stop Killer Robots CTSKR (qotil robotlarni taqiqlash kampaniyasi)ning sun’iy intellektli qurollardan foydalanishni taqiqlovchi xalqaro shartnomani imzolash tashabbusini qo‘llab-quvvatlaydi. Ammo Rossiya va AQSh kabi davlatlar esa CTSKRning bunday tashabbusiga e’tiborsiz qaramoqda.
Izoh (0)