Toshkentdagi IT-Parkda 13-oktabr, yakshanba kuni Axborot texnologiyalari va kommunikatsiyalarini rivojlantirish vaziri Shuhrat Sodiqov hamda Xitoyning Alibaba kompaniyasi Strategik hamkorlik markazining ilmiy tadqiqotlar instituti bosh kotibi Sin Cheng ishtirokida uchrashuv bo‘lib o‘tdi. Bu haqida Axborot texnologiyalari va kommunikatsiyalarini rivojlantirish vazirligi axborot xizmati xabar berdi.
Uchrashuvda elektron tijoratni rivojlantirish, b2b onlayn platformani yaratish (marketpleys), axborot texnologiyalari sohasida O‘zbekiston va Xitoy o‘rtasida hamkorlikni rivojlantirish bo‘yicha tomonlar tayyor ekanligini bildirdi.
Ma’lumot uchun, Alibaba — Internet-savdo va elektron tijorat bo‘yicha dunyodagi yetakchi kompaniyalardan biri. Bugungi kunda Alibaba Group kapitalizatsiyasi 500 milliard AQSh dollaridan oshadi.
Izoh (0)