2018-yilning sentabr oyida 30 yoshli Sarvar A. 35 yoshli Diloromxon M.ning ishonchiga kirib, unga Nexia-3 avtomobilini bir yil davomida muddatli to‘lov sharti bilan 13 000 AQSh dollari evaziga xarid qilishni taklif qilgan.
Toshkent shahar IIBB matbuot xizmati xabar berishicha, Sarvar Diloromni dastlabki to‘lov sifatida 4000 AQSh dollari to‘lashga ko‘ndirgan. Qolgan mablag‘ni esa yil davomida oyma-oy to‘lashga kelishishgan.
Shundan so‘ng Sarvar internet orqali transport vositalarining arendasi haqidagi e’lon topib, Nexia-3 rusumli avtomobilni egasi bo‘lgan 27 yoshli Sarvarbek bilan mashinani 2 yil muddatga 19 200 AQSh dollari evaziga, har oy 800 AQSh dollari to‘lab xarid qilishga kelishgan.
O‘tgan yilning oktabr oyi boshida Sarvar transport vositasini o‘ziga va Diloromxonga boshqarish uchun huquq beruvchi notarial ishonchnoma rasmiylashtirgan.
Shundan so‘ng Sarvar jabrlanuvchini bir yil ichida avtomobilni uning nomiga rasmiylashtirishni va’da qilib, undan 9 000 AQSh dollari olgan.
Ammo Sarvar pullarni o‘z ehtiyoji ucun sarflab yuborgan.
Ushbu fakt asosida Jinoyat kodeksining 168-moddasi (Firibgarlik) bo‘yicha jinoiy ish qo‘zg‘atilgan.
Izoh (0)