Тошкентдаги IT-Паркда 13 октябрь, якшанба куни Ахборот технологиялари ва коммуникацияларини ривожлантириш вазири Шуҳрат Содиқов ҳамда Хитойнинг Alibaba компанияси Стратегик ҳамкорлик марказининг илмий тадқиқотлар институти бош котиби Син Ченг иштирокида учрашув бўлиб ўтди. Бу ҳақида Ахборот технологиялари ва коммуникацияларини ривожлантириш вазирлиги ахборот хизмати хабар берди.
Учрашувда электрон тижоратни ривожлантириш, b2b онлайн платформани яратиш (маркетплейс), ахборот технологиялари соҳасида Ўзбекистон ва Хитой ўртасида ҳамкорликни ривожлантириш бўйича томонлар тайёр эканлигини билдирди.
Маълумот учун, Alibaba — Интернет-савдо ва электрон тижорат бўйича дунёдаги етакчи компаниялардан бири. Бугунги кунда Alibaba Group капитализацияси 500 миллиард АҚШ долларидан ошади.
Изоҳ (0)