Taxminiy hisoblangan ovoz berish natijalariga ko‘ra, BAAning Federal milliy kengashi – ustunlikka ega maslahatlashuv parlamentiga yetti nafar ayol deputat saylandi. Bu haqda Milliy saylov komissiyasi ma’lumoti asosida “RIA Novosti” xabar berdi.
Yetti ayolning deputat sifatida saylanishi 2015-yilga nisbatan olib qaralganda ancha jiddiy o‘zgarish, to‘rt yil avvalgi saylovlarda Ras-al-Xayma amirligidan bitta ayol deputat sifatida saylangandi. Yana 13 nafar ayol mamlakat prezidentining erkak va ayolning qonunchilik majlislarida tenghuquqlilik asosida vakil bo‘lishini ta’minlash haqidagi farmoniga asosan amirliklar hukmdorlari tomonidan qonunchilik majlisida parlamentga tayinlanadi ya’ni bunda 40 ta deputatning 20 tasi amirliklar hukmdorlari tomonidan lavozimga tayinlanadi.
Saylovlarda 20 ta deputatlik o‘rni uchun raqobat juda kuchli kechdi ushbu o‘rinlarga jami 479 nafar nomzod, jumladan 180 nafar ayol kurash olib borgan.
Saylovlarda ovoz berish huquqiga ega 117 ming fuqaro ishtirok etdi, bu 2015-yildagi ko‘rsatkichga nisbatan 80 ming nafarga ko‘p, ammo bu raqam amirliklarda ovoz berish huquqiga ega bo‘lganlarning chorak qismi xolos.
BAAdagi saylovlar shanba kuni jami 39 ta saylov uchastkasida o‘tkazildi. Amirliklar hukumati saylovda ovoz beruvchilar ko‘proq bo‘lishi uchun saylov vaqtini bir soatga uzaytirgan.
Saylovlarning yakuniy natijalari 13-oktabrda appelyatsiyalar jarayonlari poyoniga yetganidan keyin e’lon qilinadi.
Izoh (0)