Тахминий ҳисобланган овоз бериш натижаларига кўра, БААнинг Федерал миллий кенгаши – устунликка эга маслаҳатлашув парламентига етти нафар аёл депутат сайланди. Бу ҳақда Миллий сайлов комиссияси маълумоти асосида «РИА Новости» хабар берди.
Етти аёлнинг депутат сифатида сайланиши 2015 йилга нисбатан олиб қаралганда анча жиддий ўзгариш, тўрт йил аввалги сайловларда Рас-ал-Хайма амирлигидан битта аёл депутат сифатида сайланганди. Яна 13 нафар аёл мамлакат президентининг эркак ва аёлнинг қонунчилик мажлисларида тенгҳуқуқлилик асосида вакил бўлишини таъминлаш ҳақидаги фармонига асосан амирликлар ҳукмдорлари томонидан қонунчилик мажлисида парламентга тайинланади яъни бунда 40 та депутатнинг 20 таси амирликлар ҳукмдорлари томонидан лавозимга тайинланади.
Сайловларда 20 та депутатлик ўрни учун рақобат жуда кучли кечди ушбу ўринларга жами 479 нафар номзод, жумладан 180 нафар аёл кураш олиб борган.
Сайловларда овоз бериш ҳуқуқига эга 117 минг фуқаро иштирок этди, бу 2015 йилдаги кўрсаткичга нисбатан 80 минг нафарга кўп, аммо бу рақам амирликларда овоз бериш ҳуқуқига эга бўлганларнинг чорак қисми холос.
БААдаги сайловлар шанба куни жами 39 та сайлов участкасида ўтказилди. Амирликлар ҳукумати сайловда овоз берувчилар кўпроқ бўлиши учун сайлов вақтини бир соатга узайтирган.
Сайловларнинг якуний натижалари 13 октябрда аппеляциялар жараёнлари поёнига етганидан кейин эълон қилинади.
Изоҳ (0)