O‘zbekistonda barcha davlat idoralari va tashkilotlari, jumladan, huquq-tartibot organlariga ham, veb-saytlarni ishga tushirish majburiyati yuklanadi. Bu Prezidentning joriy yil 4-oktabrda imzolangan qarorida ko‘zda tutilgan, deya xabar beradi “Gazeta.uz”.
Axborot va ommaviy kommunikatsiyalar agentligi, Loyiha boshqaruvi milliy agentligi hamda Axborot texnologiyalari va kommunikatsiyalarini rivojlantirish vazirligiga rasmiy davlat saytiga talablarni yangilash, shuningdek, internetda barcha respublika davlat idoralari, jumladan, huquq-tartibot organlari saytlari mavjudligi va faoliyat ko‘rsatayotganligini inventarizatsiya qilish topshirildi.
Inventarizatsiya natijalari Vazirlar Mahkamasiga yangi davlat saytlarini yaratish, mavjudlarini esa ularga qo‘yiladigan talablardan kelib chiqib yangilash uchun choralar ko‘rish maqsadida taqdim etiladi.
Izoh (0)