Iroq ommaviy namoyishlardan so‘ng mamlakatning 75 foiz hududida internetni o‘chirib qo‘ydi

Iroq hukumati Bag‘dod va boshqa shaharlarda o‘tkazilgan ommaviy norozilik namoyishlaridan so‘ng mamlakat aholisining aksariyat qismi uchun internetga kirishni taqiqlab qo‘ydi, deb xabar beradi TJournal.

Qayd etilishicha, mamlakatda komendatlik soati joriy etilgan. Xavfsizlikni ta’minlash uchun muhim obyektlarda maxsus harbiy guruhlar ishlamoqda.

Internetni ommaviy o‘chirishdan oldin ijtimoiy tarmoqlar va messenjerlar bloklangan.

Bloklangan ijtimoiy tarmoqlar va messenjerlar orasida Facebook, Instagram va WhatsApp ham bor. Internet faqatgina mamlakatning avtonom hududlarida ishlayapti.

Mamlakatda korrupsiya va ishsizlik tufayli ommaviy norozilik namoyishlari 1-oktabr kuni boshlangan edi. To‘qnashuvlar chog‘ida besh kishi halok bo‘ldi, 200 nafar kishi jarohatlandi.