Turkmaniston Migratsiya xizmati xodimlari mamlakat fuqarosini chet elga chiqarmaslik yoki bu uchun undan mo‘may pul talab qilish uchun turli bahonalar o‘ylab topmoqda. Bir marta samolyotga qo‘yilmagan fuqaro o‘ziga xos “qora ro‘yxat”ga kirib qolmoqda. Ro‘yxatdan chiqish uchun pora taklif qilishga to‘g‘ri kelmoqda.
Korrupsion sxemaga ko‘ra, Turkmanistondan muammosiz ketmoqchi bo‘lgan odamlar, jumladan, bir marta asossiz ravishda, turli bahonalar bilan mamlakatdan chiqarilmagan fuqaro pora uchun vositachi izlaydi. O‘rtadagi odam mijozni pasport nazoratidan o‘tkazib berish evaziga 2300 AQSh dollari yoki 40 000 manat oladi.
Porani olgan Migratsiya xizmati xodimi vositachiga o‘zi ishlaydigan smena vaqti va pasport nazorati oynasi raqamini aytadi. Pulni bergan vositachi reys uchun samolyot biletini xarid qiladi va belgilangan vaqtda aytilgan raqamdagi oynachaga uchraydi.
Izoh (0)