Toshkent viloyatining Qibray tumanidagi bog‘dorchilik-uzumchilik shirkatiga qarashli hududda quruq o‘t yonishi oqibatida bir kishi halok bo‘ldi. Bu haqda Davlat yong‘in xavfsizligi xizmati xabar bermoqda.
Hodisa 22-sentabr kuni yuz bergan. Soat 13:12 da Salar shaharchasi “Tinchlik” mahallasida joylashgan shirkatda yong‘in bo‘layotgani haqida xabar kelib tushgan. Yong‘in oqibatida 60 kvadrat metr maydonda quruq o‘t yongan.
Yong‘inni bartaraf etish vaqtida 1944-yilda tug‘ilgan fuqaro B.A.ning kuygan holdagi jasadi topilgan. Yong‘in sababi va moddiy zarari aniqlanmoqda, tergovga qadar tekshirish ishlari olib borilmoqda.
Izoh (0)