23-sentabr kuni Sankt-Peterburgdan Namanganga uchayotgan samolyot yo‘lovchi ayol o‘zini yomon his etgani sababli Samaraning Kurumoch aeroportiga favqulodda qo‘nishga majbur bo‘ldi. Bu haqda “Interfaks” xabar bermoqda.
Samolyot mahalliy vaqt bilan 9:15 (Toshkent vaqti bilan 11:15 da) qo‘ngan. Samolyotni reanimatsion avtomobil va tez yordam brigadasi kutib olgan. O‘zini yomon his qilgan ayolga zudlik bilan tibbiy yordam ko‘rsatilgan va u shoshilinch tarzda Samaradagi kasalxonalardan biriga yotqizilgan.
O‘z navbatida, Kuybishev tuman transport prokuraturasidan ma’lum qilishlaricha, 1988-yilda tug‘ilgan o‘zbekistonlik ayol “gipertoniya” tashxisi bilan kasalxonaga yotqizilgan. “Hozirgi vaqtda uning ahvoli barqaror, shifokorlar nazorati ostida bo‘lib turibdi”, — deyiladi agentlik xabarida.
Izoh (0)