23 сентябрь куни Санкт-Петербургдан Наманганга учаётган самолёт йўловчи аёл ўзини ёмон ҳис этгани сабабли Самаранинг Курумоч аэропортига фавқулодда қўнишга мажбур бўлди. Бу ҳақда «Интерфакс» хабар бермоқда.
Самолёт маҳаллий вақт билан 9:15 (Тошкент вақти билан 11:15 да) қўнган. Самолётни реанимацион автомобиль ва тез ёрдам бригадаси кутиб олган. Ўзини ёмон ҳис қилган аёлга зудлик билан тиббий ёрдам кўрсатилган ва у шошилинч тарзда Самарадаги касалхоналардан бирига ётқизилган.
Ўз навбатида, Куйбишев туман транспорт прокуратурасидан маълум қилишларича, 1988 йилда туғилган ўзбекистонлик аёл «гипертония» ташхиси билан касалхонага ётқизилган. «Ҳозирги вақтда унинг аҳволи барқарор, шифокорлар назорати остида бўлиб турибди», — дейилади агентлик хабарида.
Изоҳ (0)