O‘zbekiston Respublikasi Monopoliyaga qarshi kurashish qo‘mitasi “O‘zstandart” agentligiga iste’molchilar huquqlarini himoya qilish yuzasidan qo‘shimcha chora-tadbirlar ko‘rish to‘g‘risidagi Vazirlar Mahkamasining qarori loyihasining bir qator bandlarini qayta ko‘rib chiqishni tavsiya qildi. Bu haqda “Gazeta.uz” xabar berdi.
“O‘zstandart” agentligi tomonidan tayyorlangan hujjat joriy yilning 19-sentabrida muhokamaga qo‘yilgan va unda tashkilotning bir necha takliflari mavjud.
Jumladan, belgilangan tegishli milliy belgisiga ega bo‘lmagan mahsulotlar sotuvini taqiqlash. Sertifikatsiyadan o‘tkazilishi majburiy bo‘lgan mahsulotlar ro‘yxati 102 banddan iborat, ularning har birida bir nechta tovar qayd etilgan;avval ishlatilgan avtomobil va qishloq xo‘jaligi shinalari, avtotransport vositalarining ehtiyot qismlari, tekstil va yengil sanoat hamda maishiy elektrotexnika importini taqiqlash;mamlakat hududida bittadan kam bo‘lmagan servis markazlari bor ishlab chiqaruvchi zavodlar (rasmiy dilerlarga) energiya sarfiga mo‘ljallangan mahsulotlarni olib kirish ruxsat etiladi. Ushbu tartib tatbiq qilinadigan elektrotexnika vositalari ro‘yxatiga: muzlatgichlar, ventilyatorlar, konditsionerlar, idish-tovoq va kir yuvish mashinalari, changyutgichlar, uyali aloqa vositalari va boshqalar kirgan.
Agar qaror loyihasi ma’qullansa, yangi qoidalar 2020-yilning 1-yanvaridan kuchga kiradi.
“Qaror bilan jismoniy va yuridik shaxslar hamda tadbirkorlik subyektlarining faoliyatida ular manfaatlariga xizmat qiluvchi va jamiyatda raqobatning rivojlantirilishiga sabab bo‘luvchi masalalar hal etiladi”, — deyiladi Monopoliyaga qarshi kurashish qo‘mitasining xabarida.
Qo‘mita hujjat loyihasidan servis markazlariga ega elektrotexnika tovarlarini mamlakatga olib kirish bo‘yicha bandni olib tashlashni taklif qildi. Bunday chora-tadbirlar ishlab chiqaruvchi zavodning qo‘shimcha mablag‘ sarflashiga, bozordagi ishtirokchilar sonining qisqarishiga, shuningdek, iste’molchilar manfaatlariga zid keladi.
Shuningdek, “O‘zstandart” ishlab chiqqan Hukumat loyihasiga ko‘ra, muayyan turdagi mahsulotni sertifikatsiyalash vaqtida akrreditatsiyadan o‘tgan tajriba laboratoriyasi (markazi) bo‘lmagan taqdirda sertifikatsiya organi tomonidan imkoniyatlar, tajribalar o‘tkazish joyi va vaqti belgilanadi hamda natijalarning obyektivligi ta’minlanadi.
Qo‘mita vakillarining fikricha, tajribalar laboratoriyasining sertifikatsiya organi tomonidan tanlanishi, shuningdek, buyurtmachi ishtirokisiz tajriba shartlarining belgilanishi korrupsiyaga olib kelishi mumkin. Qo‘mita sertifikatsiya organining tajribalardagi ishtiroki shartlari va joyi buyurtmachi bilan kelishilgan holda amalga oshirilishi lozim deb hisoblamoqda.
Loyiha yuzasidan tavsiyalar “O‘zstandart” agentligiga yuborilgan, deyiladi Monopoliyaga qarshi kurashish qo‘mitasi xabarida. Hujjat loyihasi 3-oktabrga qadar muhokama qilinadi.
Izoh (0)