Toshkent viloyatida ichki ishlar organlari xizmatchilari va faollarini taqdirlash marosimi bo‘lib o‘tdi. Bu haqda “Daryo”ga Toshkent viloyati Ichki ishlar bosh boshqarmasi matbuot xizmati xabar berdi.
IIBB boshlig‘i polkovnik Tohir Aripovga ko‘ra, olib borilgan tizimli profilaktik tadbirlar natijasida viloyatdagi 1029 mahallaning 464 tasida jinoyatchilik sodir etilmagan. Shu yilning 8 oyida umumiy jinoyatchilik 3703 tadan 2815 taga kamaygan.
Tadbirda IIO tayanch punktlarining 1275 profilaktika inspektori, ularning 654 nafar yordamchisi, 199 nafar mahalla raisi, 125 xotin-qizlar, 19 nafar mahalla posboni viloyat hokimligi va IIBB tomonidan jami 862 million 290 ming so‘m pul mukofoti bilan taqdirlangan.
Shuningdek, IIV tomonidan YHXB xodimlariga Gentra xizmat avtomobillari tantanali topshirilgan.
Izoh (0)