Buxoro viloyati Davlat soliq boshqarmasi va Vobkent tumani davlat soliq inspeksiya xodimlari o‘tkazgan profilaktik tadbirda dori-darmonning noqonuniy savdosi aniqlandi, deb xabar berdi Davlat soliq boshqarmasi matbuot xizmati.
Tadbir doirasida “Nabiyev va uning o‘g‘illari” MChJga qarashli dorixonada fuqaro S.X. tomonidan zarur hujjatlarsiz, noqonuniy ravishda dori-darmon vositalari sotilgani aniqlangan.
Shuningdek, Soliha Xojiyeva kerakli hujjatlarsiz dori-darmon vositalarini ochiq va antisanitariya holatiga zid ravishda dorixonada sotgani ma’lum bo‘lgan.
Qo‘shimcha qilinishicha, profilaktik tadbir davomida 31 turdagi jami 1 758 500 so‘mlik dori-darmon vositalari savdodan olib qo‘yilgan. Davlat soliq xizmati organlari xodimlari tomonidan rasmiylashtirilgan hujjatlar huquqbuzarga chora ko‘rish uchun tegishli organlarga yuborilgan.
Izoh (0)