Bekobodda tabiiy gazdan noqonuniy foydalangan to‘yxona davlatga 78 mln so‘m zarar keltirdi

Majburiy ijro byurosi Bekobod tumani bo‘limi shahardagi to‘yxona tabiiy gazdan noqonuniy ravishda foydalanib kelinganini aniqlandi, deb xabar berdi “Daryo”ga byuro matbuot xizmati.

Ma’lum bo‘lishicha, to‘yxona rahbari M.M. tumanlararo gaz ta’minoti bilan hech qanday shartnoma tuzmasdan, o‘zboshimchalik bilan tabiiy gaz tarmog‘iga ulanib olgan. Bekobod tumanlararo gaz ta’minoti mutaxassislari xulosasiga ko‘ra, huquqbuzarlik oqibatida davlatga jami 78,1 million so‘m zarar yetkazilgan.

Qayd qilinishicha, fuqaroga Jinoyat kodeksining 1852-moddasi 6-qismi mazmun mohiyati bayonnoma asosida tushuntirilgan bo‘lsa-da, yetkazilgan zarar o‘ttiz kunlik muddat ichida qoplab berilmagan. Holat yuzasidan Jinoyat kodeksining 1852-moddasi 3-qismi bilan jinoyat ishi qo‘zg‘atilib, hozirda mazkur jinoyat ishi yuzasidan surishtiruv harakatlari olib borilmoqda.