O‘zbekistonda yuqori malakali kadrlarini aniqlash maqsadida o‘tkazilgan “Taraqqiyot” tanlovi g‘olibi, Bosh prokuratura Akademiyasining Jinoyatlarning sodir etilishi sabablarini tizimli tahlil qilish va o‘rganish markazi boshlig‘i Nosirjon Asqarov “Daryo” muxbiriga bergan intevyusida bugungi kundagi kadrlar e’tibor qaratishi lozim bo‘lgan beshta muhim masalani aytdi.
“Taraqqiyot” birinchi respublika tanlovi O‘zbekiston Prezidenti Shavkat Mirziyoyevning 2018-yil 30-maydagi “Istiqbolli boshqaruv kadrlarini tanlov asosida tanlab olishning zamonaviy tizimini yaratish chora-tadbirlari to‘g‘risida”gi qaroriga ko‘ra tashkil etilgan. Tanlov mamlakatdagi yuqori malakali kadrlarni aniqlash va ularni rag‘batlantirish maqsadida o‘tkazilgan.
Tanlovning quyi bosqichida 8 mingdan ortiq rahbar xodimlar 16 yo‘nalish bo‘yicha sakkiz oy davomida saralangan. Ular aniq bo‘lmagan va qiyin vaziyatlarda tezkor qaror qabul qilish, xorijiy tillar, psixologik barqarorlik, boshqarish qobilyati sinovlaridan o‘tkazilgan.
Talabgorlar orasidan saralab olingan 150 nafar ishtirokchi final bosqichida ishtirok etish huquqini qo‘lga kiritgan. Yakunda ular orasidan ham eng kuchlilari aniqlanib, yakunda 50 nafar rahbar g‘olib deb topilgan.
Kelajakda “Taraqqiyot” tanlovi g‘oliblari orasidan yuqori darajadagi boshqaruv kompetensiyalari va rahbarlik fazilatlariga ega bo‘lgan istiqbolli boshqaruv kadrlari zaxirasi shakllantirish ko‘zda tutilgan.
Tanlovning barcha bosqichlarida yuqori ball to‘plagan Nosirjon Asqarov “Sud-huquq sohasida eng yaxshi boshqaruvchi” nominatsiyasida g‘olib bo‘lgan. Unga mukofot sifati eng kam oylik ish haqining 50 baravari miqdorida bir martalik pul mukofoti berildi hamda u mazkur soha bo‘yicha rivojlangan mamlakatlarda kamida uch oylik stajirovka o‘tash imkoniyatiga ega bo‘ldi.
Bosh prokuratura rahbariyati yuqori saviyali tanlovdagi munosib hissasi uchun Asqarovni Bosh prokuratura Akademiyasi Jinoyatlarning sodir etilishi sabablarini tizimli tahlil qilish va o‘rganish markazi boshlig‘i lavozimiga tayinlangan.
Huquqshunos Nosirjon Asqarov prokuratura organlarining quyi tizimlarida turli rahbarlik lavozimlarda ishlagan, O‘zbekiston Prezidenti huzuridagi Davlat boshqaruvi Akademiyasini tamomlagan, Malayziyaning Kebangsan universitetida malaka oshirib qaytgan.
Nosirjon Asqarov biz bilan suhbatda milliy boshqaruv tizimidagi o‘ziga xosliklar, yutuq va kamchiliklar haqida mulohazalarini bayon etdi. Ish tajribasi va chet mamlakatlarda boshqaruv tizimi haqida bilganlari bilan o‘rtoqlashar ekan, odatiy hayotimizda rahbar kadrlar uchun kerak bo‘ladigan bir nechta takliflarini bildirib o‘tdi.
Samarali mehnat siri
Xodimlar mehnatidan samarali foydalanish va ish vaqtida samarali mashg‘ulotga yo‘naltirishni ta’minlash boshqaruvchining asosiy mahoratlaridan biridir. Hozirgi vaqtda ba’zi tashkilotlardagi asosiy muammo ham normalanmagan ish vaqtidir. Yaxshi va o‘z vaqtida dam olmagan xodimda kutilgan samara va natijadorlik bo‘lmaydi. Shuning uchun, qo‘lostingizdagi xodim zimmasiga biror ish yuklaganingizda uning normal hordiq chiqarish vaqtini hisobga oling.Barcha harakat natija uchun
Google kompaniyasida yo‘lga qo‘yilgan bir jihat — asosiy narsa natijaga qaratilganligi menga juda yoqadi. Bunda xodimga vazifa beriladi va natijaga erishish masala qilib qo‘yiladi. Natijaga qanday erishish, xodim bu vaqtda qayerda bo‘ladi hech kimni qiziqtirmaydi. Asosiysi natija bo‘lmasa, xodim bilan xayrlashiladi. O‘z o‘zidan xodim muammoni hal etish va natijaga erishish uchun barcha vositalarni ishga soladi. Bu tizim qanchalik o‘zini oqlagani ushbu kompaniyaning dunyoda tutgan o‘rni ham ko‘rsatib turibdi.Yaxshi kadrni makali kadrlar yaratadi
Osiyo “yo‘lbars”i — Singapur salohiyatli kadrlar siyosati orqali katta rivojlanish yo‘liga chiqdi. Singapur prezidenti: “Bu mamlakatni xalq va o‘qituvchilar yaratadi” deydi. Ya’ni sadoqatli o‘qituvchilar mamakali kadrlarni yetishtirib berdi. Siz ham ko‘p yillik ish tajribaga ega va vijdonli xodimlarni yosh kadrlar bilan ustoz-shogird tizimini yo‘lga qo‘ying. Yaxshi kadrlarni tajribali kadrlar yaratadi.Qanchalik o‘zingizga ishonsangiz ham o‘rganishdan to‘xtamang
Men o‘zimga ishongan odamman. Biroq “Taraqqiyot” tanlovidagi vazifalar hamda topshiriqlarning har xil tuzilganligi, rahbar boshqaruv tizimini yanada yaxshilash borasida o‘z ustida doimo ishlab borishi lozimligini menga yana bir bor isbotlab berdi.Kadrlarni qadrlash...
O‘z vazifasini bajarolmayotgan xodimga rahbar buyurilayotgan ish qanday bajarilishi lozimligini bir necha marta ko‘rsatib berishi kerak. Bu bevosita rahbarning vazifasi. O‘rgatmasdan turib xodimdan natijani talab qilish o‘zaro munosabatlarga putur yetkazadi. Bir necha bor ko‘rsatib tushuntirib, aniq ifodalab berganingizdan so‘ng ham natija bo‘lmasa, unda u xodimni bahridan o‘tish kerak. O‘z vazifasini bajarolmayotgan xodim ishini boshqa, o‘z vazifasini vijdonan bajaradigan xodimga yuklayverish avvalo adolatsizlik bo‘lsa, ikkinchidan ish samaradorligiga salbiy ta’sir ko‘rsatadi. Shu bilan birga, bu narsa xodimlar o‘rtasidagi o‘zaro muhitga ham ta’sir qilmay qolmaydi. Alaloqibat, vazifalarni sidqidildan bajaridgan xodimning o‘zini hurmat qiladigan boshqa ishga o‘tib ketishining ehtimoli katta.Ma’lumot uchun, O‘zbekiston Bosh prokuraturasi Akademiyasi prokuratura organlarining ta’lim va ilmiy tadqiqot muassasasi hisoblanadi.
Izoh (0)