Davlat xavfsizlik xizmati Andijon viloyati boshqarmasi xodimlarining Bosh prokuratura huzuridagi Iqtisodiy jinoyatlarga qarshi kurashish Departamentini jalb qilgan holda o‘tkazgan tezkor tadbiri davomida Asaka tumanida yashovchi, 1974-yilda tug‘ilgan, vaqtincha ishsiz H.M. firibgarlik yo‘li bilan o‘zganing pul mablag‘ini o‘zlashtirib olayotgan vaqtida ushlangan.
Xabar berishlaricha, H.M. fuqaro S.Sh.ga issiqxona qurishi uchun “Yer tuzish va ko‘chmas mulk kadastri” davlat korxonasining Asaka tumani filiali, tuman fermerlar kengashi va qishloq xo‘jaligi bo‘limidagi tanishlari orqali 1 gektar yer ajratib berilishiga ko‘maklashishni va’da qilgan
“H.M. fuqaro S.Sh.dan ko‘rsatadigan ‘xizmati’ uchun 10 ming dollar talab qilgan va ushbu summaning 2 ming dollarini avans sifatida olayotgan vaqtda ushlangan”, — deyiladi berilgan rasmiy axborotda.
Izoh (0)