Mayor Ilhom Fayzullayev Toshkent shahar IIBB Tashkiliy boshqarmasi boshlig‘i etib tayinlandi. Bu haqda poytaxt IIBB matbuot xizmati xabar bermoqda.
Ilhom Fayzullayev 1981-yil Buxoro viloyatida tug‘ilgan. 2003-yilda Toshkent davlat yuridik instituti (hozirgi Toshkent davlat yuridik universiteti)ni tamomlagan. Ichki ishlar organlarida xizmatni 2008-yilda Yunusobod tumani IIB (hozirgi Yunusobod tumani IIO FMB) Tergov bo‘limi tergovchisi sifatida boshlagan.
2010—2016-yillarda Yunusobod tumani IIB Tergov bo‘limi bo‘linmasining katta tergovchisi, o‘ta muhim ishlar bo‘yicha katta tergovchi bo‘lib xizmat qilgan. 2016-yildan 2017-yilning may oyigacha Mirobod tumani IIB (hozirgi Mirobod tumani IIO FMB) Tergov bo‘limi bo‘linmasiga boshliq bo‘lgan. 2017-yil mayidan 2018-yil martiga qadar Chilonzor tumani IIO FMB huzuridagi Tergov bo‘limi boshlig‘i o‘rinbosari — surishtiruv bo‘linmasi boshlig‘i sifatida ishlagan.
2018-yil martidan 2019-yilning apreligacha Toshkent shahar IIBB Tergov boshqarmasi bo‘limi boshlig‘i, Toshkent shahar Yunusobod tumani bo‘yicha IIO FMB 8-son Ichki ishlar bo‘limi Tergov bo‘linmasi boshlig‘i, Toshkent shahar Yunusobod tumani bo‘yicha IIO FMB 4-son ichki ishlar bo‘limi Tergov bo‘linmasi boshlig‘i lavozimlarida xizmat olib borgan.
2019-yilning aprel oyidan avgustga qadar Shayxontohur tumani IIO FMB boshlig‘i o‘rinbosari — TB tergov bo‘linmalari faoliyatini tahlil qilish bo‘linmasi boshlig‘i sifatida ishlagan.
Avvalroq podpolkovnik Dilmurod Mirsodiqov Toshkent shahar IIBB Tergov boshqarmasi boshlig‘i o‘rinbosari, podpolkovnik Ahmadjon Fozilov esa poytaxt IIBBning Moliyaviy va moddiy-texnikaviy ta’minoti boshlig‘i o‘rinbosari etib tayinlangani haqida xabar berilgan edi.
Izoh (0)