Afg‘onistondagi “Tolibon” terroristik harakati AQSh prezidenti Donald Trampning “Tolibon” jangarilari bilan tinchlik muzokaralari o‘likdir, degan gapidan keyin Afg‘onistondagi AQSh qo‘shinlariga qarshi kurashni davom ettirishini aytdi, deb xabar beradi “Kommersant.ru”.
“Tolibon” AQSh ma’muriyati muzokaralarni davom ettirmaslik haqidagi qaroridan pushaymon bo‘lishi bilan tahdid qildi.
Bizda Afg‘onistonni ishg‘ol qilishni to‘xtatishning ikki yo‘li bor edi: birinchisi — jihod va jang, ikkinchisi—muzokaralar. Agar Tramp muzokaralarni to‘xtatishni istasa, biz birinchi yo‘lni tanlaymiz va ular bundan tez orada pushaymon bo‘ladi”, — deydi “Tolibon” vakili Zabihullo Mujohid.
Avvalroq Donald Tramp Kobulda 12 kishining o‘limiga sabab bo‘lgan terakt tufayli Afg‘oniston prezidenti Ashraf G‘ani hamda “Tolibon” yetakchilari bilan rejalashirilgan uchrashuvni bekor qilgani haqida xabar berilgan edi.
Izoh (0)