Qirg‘izistonning Botken viloyati, Qadamjoy tumani, Noogardi qishlog‘i ahli spirtli ichimliklar iste’molidan voz kechishga qaror qildi, deb xabar qiladi “Turmush”.
6-sentabrdan e’tiboran qishloqda alkogol sotuviga taqiq joriy etildi.
Mahalliy oqsoqollarga ko‘ra, spirtli ichimliklar tufayli qishloqda turli noxush hodisalar ro‘y bermoqda. Shu sababli mazkur chorani qo‘llashga majbur bo‘lishgan.
Hamqishloqlar ularning tashabbusini qo‘llab-quvvatladi. Shundan so‘ng qishloq do‘konlaridagi barcha alkogol mahsulotlari 90 ming som (1,3 ming AQSh dollari)ga sotib olinib, yo‘q qilindi.
Izoh (0)