Innovatsion rivojlanish vaziri Ibrohim Abdurahmonov 6—7-sentabr kunlari Namangan tumanidagi maktablarda “Vazir soati” tadbirini o‘tkazdi. Bu haqda “Daryo”ga vazirlik matbuot xizmati ma’lum qildi.
Ibrohim Abdurahmonov Namangan tumanidagi maktablarga borgan chog‘ida o‘z bolaligi haqida gapirar ekan, yoshlikdagi kuzatuvchanlik, tirishqoqlik, bilimga chanqoqlik o‘z natijasini berishini qayd etdi.
Tuman markazidan ancha uzoq qishloqda yashaganimiz uchun uyimizdan 3-4 kilometr uzoqdagi maktabga har kuni piyoda borib kelishimizga to‘g‘ri kelardi. Tuman markaziga borish esa bir bayram edi. Shunday bo‘lishiga qaramay ko‘p o‘qish, izlanish ortidan tuman olimpiadasidan respublika olimpiadasigacha bo‘lgan bosqichlarni bosib o‘tib, umumittifoq olimpiadalarda qatnashish imkoniyatini ham qo‘lga kiritdim. Keyinchalik oliy o‘quv yurtida o‘qidim, xorijning yetakchi universitetlarida ta’lim olib, Butunjahon fanlar akademiyasi akademigigacha bo‘lgan yo‘lni bosib o‘tdim. Bularning barini gapirayotganim sabab, sizlarda o‘zingizga bo‘lgan ishonchni orttirish, o‘qish va bilim olishda g‘ayratli va shijoatli bo‘lishingizga undashdir. Har biringizning qoningizda buyuk bobolarning genlari bor, ularni uyg‘otish, genlarni ‘ishlatib’ yuborish o‘zingizga, mehnatkashligingizga bog‘liq.Vazir maktablarga Innovatsion rivojlanish vazirligi tomonidan ishlab chiqilgan “Innovatsion to‘plam”lar, shuningdek, “Ulug‘bek” jamg‘armasi bilan hamkorlikdagi kitoblarni sovg‘a qildi.Ibrohim Abdurahmonov, Innovatsion rivojlanish vaziri
Izoh (0)