Инновацион ривожланиш вазири Иброҳим Абдураҳмонов 6—7 сентябрь кунлари Наманган туманидаги мактабларда «Вазир соати» тадбирини ўтказди. Бу ҳақда «Дарё»га вазирлик матбуот хизмати маълум қилди.
Иброҳим Абдураҳмонов Наманган туманидаги мактабларга борган чоғида ўз болалиги ҳақида гапирар экан, ёшликдаги кузатувчанлик, тиришқоқлик, билимга чанқоқлик ўз натижасини беришини қайд этди.
Туман марказидан анча узоқ қишлоқда яшаганимиз учун уйимиздан 3-4 километр узоқдаги мактабга ҳар куни пиёда бориб келишимизга тўғри келарди. Туман марказига бориш эса бир байрам эди. Шундай бўлишига қарамай кўп ўқиш, изланиш ортидан туман олимпиадасидан республика олимпиадасигача бўлган босқичларни босиб ўтиб, умумиттифоқ олимпиадаларда қатнашиш имкониятини ҳам қўлга киритдим. Кейинчалик олий ўқув юртида ўқидим, хорижнинг етакчи университетларида таълим олиб, Бутунжаҳон фанлар академияси академигигача бўлган йўлни босиб ўтдим. Буларнинг барини гапираётганим сабаб, сизларда ўзингизга бўлган ишончни орттириш, ўқиш ва билим олишда ғайратли ва шижоатли бўлишингизга ундашдир. Ҳар бирингизнинг қонингизда буюк боболарнинг генлари бор, уларни уйғотиш, генларни ‘ишлатиб’ юбориш ўзингизга, меҳнаткашлигингизга боғлиқ.Вазир мактабларга Инновацион ривожланиш вазирлиги томонидан ишлаб чиқилган «Инновацион тўплам»лар, шунингдек, «Улуғбек» жамғармаси билан ҳамкорликдаги китобларни совға қилди.Иброҳим Абдураҳмонов, Инновацион ривожланиш вазири
Изоҳ (0)