Qibrayda olib qochilgan avtomashina YPX postida ushlandi, deb xabar beradi IIV Jamoatchilik va OAV bilan aloqalar boshqarmasi.
3-sentabr, seshaba kuni noma’lum shaxs Toshkent viloyatining Qibray tumanida eshiklari ochiq holda qarovsiz qoldirilgan “VAZ-21011” rusumli avtomashinani haydab qochganligi haqida navbatchilik qismiga xabar kelib tushgan. Mazkur holat yuzasidan jinoyat ishi qo‘zg‘atilgan.
Ko‘rilgan choralar natijasida avtomashina Qibray tumanidagi postda xizmat olib borayotgan IIB xodimlari tomonidan to‘xtatilib, ushbu jinoyatni “Chingeldi” MFYda yashovchi 21 yoshli Yu.B sodir etganligi aniqlandi. Tergov harakatlari davom etmoqda.
Izoh (0)