“Utilizatsiya yig‘imi”ni joriy etishga qaratilgan qonun loyihasi Oliy Majlis Qonunchilik palatasi deputatlari tomonidan keskin tanqid qilindi. Bu haqda deputat Rasul Kusherbayev ma’lum qildi.
Uning aytishicha, ekologik vaziyatni yaxshilash maqsadida avtomobillar utilizatsiyasi uchun “Utilizatsiya yig‘imi”ni joriy etishga qaratilgan qonun loyihasi O‘zLiDeP fraksiyasi yig‘ilishida deputatlar tomonidan qattiq e’tiroz va ikkilanishga sabab bo‘ldi.
So‘zga chiqqan deputat hamkasblarimiz mutaxassislardan bunday tartib kiritilishini asoslab berishni so‘rashdi, biroq tayinli javob bo‘lmadi. Men ham yig‘imni joriy qilishda ekologik vaziyatni yaxshilash bosh maqsad ekanligiga shubham borligini bildirdim. Shundoq ham qimmat avtomobillar utilizatsiya yig‘imi joriy qilinsa, yanada qimmatlamasligiga kim kafolat beradi? “Ekologiya” — juda yaxshi bahona topildi.Deputatning ta’kidlashicha, fraksiya a’zolarining e’tirozlaridan qonun loyihasi ovozga qo‘yilsa, qo‘llab-quvvatlanmasligi ko‘ringan. Shu sababli iltimosga ko‘ra, ma’lum muddatga kun tartibidan chiqarib tashlangan.Rasul Kusherbayev, Oliy Majlis deputati
Izoh (0)