Shimoliy Koreya rahbariyati banklar va kriptovalyuta birjalariga kiberhujumlar uyushtirib, 2 milliard dollar ishlab olgani haqida tarqalgan xabarlarni yolg‘on deb atadi. Bu haqda KXDRning noqonuniy daromadlarni legallashtirish (pul yuvish) va moliyaviy terrorizmga qarshi kurashish bo‘yicha milliy muvofiqlashtiruvchi qo‘mitasi rasmiy vakili bayonotiga tayanib, “Kommersant” xabar berdi.
Shimoliy Koreya esa buni “Gitlerning targ‘ibot mashinasida qo‘llanilgan eski usullarni qayta yaratishga urinish: agarda yolg‘on yuz marta qaytarilsa, u haqiqatga aylanadi”, deb atadi. KXDR rahbariyati kiberhujumlar haqidagi xabarlarni “dushman kuchlari tomonidan mamlakat sha’nini qoralash, sanksiyalar va bosimlarni oqlashga bo‘lgan urinish” sifatida baholadi.
Izoh (0)