Vatikandagi Avliyo Pyotr maydonida Rim papasi tomonidan an’anaviy tarzda o‘tkazilib kelinadigan yakshanba kungi va’zlar 1-sentabr kuni biroz kechroq boshlandi. Bunga Rim papasining liftga qamalib qolgani sabab bo‘lgan, deb xabar qiladi Meduza.
Ko‘ngilsiz hodisa haqida Fransiskning o‘zi so‘zlab bergan. U o‘z va’zlarini ibodat uchun kelganlardan uzr so‘rash bilan boshlab, o‘t o‘chiruvchilar 25 daqiqa davomida buzilib qolgan liftni ochishga uringanini ta’kidlagan. Liftning ishlamay qolishiga kuchlanishning kamayib ketgani sabab bo‘lgani aytilmoqda.
An’anaviy yakshanba kungi va’zlarni Rim papasi Apostol saroyining so‘nggi qavatidagi oynadan turib o‘qiydi. U yerga ko‘tarilish uchun pontifik o‘zi uchun mo‘ljallangan maxsus liftdan foydalanadi.
Izoh (0)