2019-yilning boshidan buyon Fransiyadan Angliya qirg‘oqlariga o‘tish uchun mingdan ortiq noqonuniy migrantlar La-Mansh bo‘g‘ozini kechib o‘tdi, deb yozmoqda “Kommersant”.
Qayd etilishicha, 22-avgustdan boshlaboq u yerga 200 dan ortiq odam, shu jumladan, 41 nafar bola kelgan. Butun 2018-yil davomida La-Mansh orqali Buyuk Britaniyaga kelgan noqonuniy migrantlar soni kamida 300 nafarni tashkil etgan.
Britaniya rasmiylarining ta’kidlashicha, Buyuk Britaniya Yevropa Ittifoqidan chiqqanidan keyin chegara nazorati yanada kuchaytirilishi haqidagi mish-mishlar sharoitida so‘nggi kunlarda noqonuniy migrantlar Angliya qirg‘oqlariga deyarli har kuni kelmoqda.
Ichki ishlar vaziri Priti Patel fransiyalik hamkasbi Kristof Kastaner bilan La-Mansh bo‘g‘ozi orqali noqonuniy migrantlarni tashish bilan shug‘ullanuvchi jinoyatchilarga qarshi kurash choralarini keskinlashtirish masalasini muhokama qilgan.
Bosh vazir Boris Jonson esa Buyuk Britaniyaga noqonuniy yo‘l bilan kelgan har qanday shaxs qaytarib yuborilishi haqida ogohlantirgan.
Izoh (0)