“Dorian” bo‘roni yaqinlashib kelayotgani munosabati bilan, AQShning uchta — Jorjiya, Janubiy Karolina va Florida shtatlari gubernatorlari sohilbo‘yi hududlaridagi aholini majburiy evakuatsiya qilish haqida topshiriq berdi, deya xabar bermoqda Meduza.
Associated Press’ning xabar berishicha, birgina Janubiy Karolinaning o‘zida evakuatsiya 800 mingdan ortiq aholini qamrab oladi. Ushbu uchala shtatda, shuningdek, Shimoliy Karolinada ham favqulodda holat tartibi joriy etilgan.
Atlantika okeanida shakllangan “Dorian” bo‘roni Saffir-Simpson shkalasi bo‘yicha eng yuqori — beshinchi kategoriyaga qadar kuchaygani haqida avval xabar berilgan edi. Bo‘ron allaqachon Bagam orollariga yopirilgan. Kamida bir kishi halok bo‘lgani ma’lum. “Dorian” 2-sentabr oqshomida AQSh sohillariga yetib kelishi kutilmoqda.
Hurricane Dorian arriving on Abaco with 180mph winds... pic.twitter.com/DnsoKsF046
— Bahamas Press (@Moca_Foundation) September 1, 2019
“Dorian” bo‘roni yaqinlashib kelayotgani munosabati bilan AQSh prezidenti Donald Tramp Ikkinchi Jahon urushi boshlanganining 80 yilligiga bag‘ishlangan Polshadagi xotira tadbirlaridagi ishtirokini bekor qilgan edi.
Izoh (0)