Shvetsiya hukumati banklarga yangi soliqlar joriy qilish orqali mudofaa xarajatlarini oshirmoqchi, deb xabar bermoqda Bloomberg va Reuters. OAVlar bu qarorni Rossiya bilan bog‘liq xavotirlar bilan bog‘lamoqda.
“Kommersant”ning yozishicha, banklarga soliqlar oshirilishi rejalashtirilayotgani haqida Shvetsiya Moliya vaziri Magdalena Andersson ma’lum qilgan. Uning so‘zlariga ko‘ra, soliqlar shved g‘aznasiga yiliga 5 milliard kron (508 million dollar) tushishi imkonini beradi.
Moliy vazirining aytishicha, banklar iqtisodiyotga muayyan xavf tug‘diradi, shuning uchun ular “ko‘proq hissa qo‘shishi kerak”. Uning ta’kidlashicha, inqiroz paytida banklar davlat yordamiga muhtoj bo‘lishi mumkin. Shu sababli soliqlarni hozirdanoq to‘lash lozim. Soliqlar qay tartibda olinishi haqida Andersson xonim keyinroq aytishga va’da bergan.
Vazirning bayonoti hukumat 2025-yilga kelib mudofaa xarajatlarini YaIMning 1 foizidan 1,5 foizga oshirishi rejasini e’lon qilganidan so‘ng ma’lum qilingan. Vazirlar mahkamasining hisob-kitoblariga ko‘ra, 2022-yilga kelib budjet 5 milliard kron (508 million dollar)ga, 2023-yilda huddi shunchaga, 2024 va 2025-yilda esa yana 5 milliard kronga oshadi.
Unda mudofaa vaziri Peter Xultkvist 2008-yilda Gruziya va 2014-yilda Ukrainadagi mojarolar sababli xavfsizlik bo‘yicha vaziyat yomonlashganini eslatgan.
Izoh (0)