Musa Yerniyazov “O‘zbekiston Qahramoni” bo‘ldi

Prezident farmoni bilan bir guruh o‘zbekistonliklarga “O‘zbekiston Qahramoni” unvoni berilib, oliy nishon — “Oltin yulduz” medali topshiriladi.

Hujjatda ushbu unvon mamlakat iqtisodiy salohiyatini mustahkamlash, uning shon-shuhratini yuksaltirish, tub islohotlar jarayonidagi tashabbuskorlik va fidoyilik, ko‘p yillik samarali va ibratli faoliyati hamda ijtimoiy hayotdagi faol ishtiroki uchun berilgani qayd etilgan.

Taqdirlanganlar:

Musa Yerniyazov — Qoraqalpog‘iston Respublikasi Jo‘qorg‘i Kengesi raisi;

Lola Murotova — Farg‘ona viloyati Oltiariq tumani “Nurli obod” fermer xo‘jaligi boshlig‘i;

Hasan Normuradov — “Nuroniy” jamg‘armasi Samarqand viloyati bo‘limi raisi.