Joriy yilning 23-avgust kuni soat 17:30 larda MIB Koson tumani bo‘limi davlat inspektorlari “Quyibog‘” mahallasida yashovchi fuqaro J.Q.ning xonadoniga elektr energiyasidan foydalanish holati qonuniyligini tekshirish uchun borgan.
Bu yerda elektr energiyasidan noqonuniy foydalanib kelinayotganligi aniqlanib, holat yuzasidan dalolatnoma rasmiylashtirayotganlarida J.Q.ning ukasi, 1985-yilda tug‘ilgan S.Q. aralashib, davlat inspektorlarini qo‘pol so‘zlar bilan haqoratlab, ularga tan jarohatlari yetkazgan.
Bosh prokuratura matbuot xizmatiga ko‘ra, mazkur holat yuzasidan 27-avgust kuni tuman prokuraturasi tomonidan Jinoyat kodeksining 219-moddasi 1-qismi bilan jinoyat ishi qo‘zg‘atilgan. Tergov harakatlari davom etmoqda.
Izoh (0)