“Orenburg” — “Sochi”
Juma oqshomida liga autsayderlari “Orenburg” va “Sochi” jamoalari o‘zaro bahsga kirishdi. Bu mavsumda g‘alaba nimaligini bilmay kelayotgan ikki jamoa bu o‘yinda murosa yo‘lini tanladi. Mezbonlar ketma-ket ikkinchi bahsda durang qayd etgan bo‘lsa, sochiliklar klubi uchun duranglar seriyasi uchta o‘yinga yetdi.
Ushbu uchrashuvda “Orenburg” safidagi o‘zbekistonlik futbolchi Vadim Afonin to‘liq harakat qildi.“Rubin” — “Arsenal”
“Rubin” bu turda “Arsenal”ni qabul qildi. Yevgeniy Markovning yagona goli o‘yin taqdirini hal qildi. Bundan avvalgi ikki turda mag‘lubiyat qayd etgan qozonliklar mazkur uch ochkodan keyin 7-o‘ringa ko‘rilgan holda peshqadamlar bilan oradagi farqni qisqartirdi. Yangi mavsumdagi ikkinchi mag‘lubiyatini qabul qilib olgan Tula klubi esa 8-pog‘onaga tushib ketdi.
Bu uchrashuvda ham “Rubin” klubi safidagi o‘zbekistonlik himoyachi Vitaliy Denisov zaxirada qoldi.“Ufa” — “Rostov”
Mazkur turda “Rostov” Boshqirdistonga safar qildi va “Ufa” bilan bahs olib bordi. Rostovliklar uchun noqulay raqib hisoblangan jamoa bu safar ham Valeriy Karpin shogirdlarini mag‘lubiyatga uchratdi.
Nigeriyalik hujumchi Silvestr Igbunning dubli “Ufa”ga g‘alaba olib keldi. O‘zbekiston terma jamoasi hujumchisi Eldor Shomurodov uchrashuvda to‘liq harakat qilgan bo‘lsada, samarli harakatni amalga oshira olmadi va uning golli seriyasiga nuqta qo‘yildi.
Qizig‘i shundaki, “Rostov” o‘tgan mavsumdagi ikki o‘yinda ham “Ufa”ni mag‘lub etolmagandi. Shu tariqa, “Rostov” ushbu mavsumdagi ilk mag‘lubiyatini tan oldi va turnir jadvalida beshinchi o‘ringa tushib ketdi.“Spartak” — SSKA
Turning markaziy o‘yini Moskvada bo‘lib o‘tdi. Unda azaliy raqiblar “Spartak” va SSKA jamoalari o‘zaro to‘qnash keldi. Uchrashuvning dastlabki bo‘limida “armiyachilar” mezbonlarga qaraganda faolroq bo‘ldi, biroq vaziyatlarni golga aylantirishda mehmonlarga omad yetishmadi. Ikkinchi bo‘lim esa ancha qiziqarliroq o‘tdi. Dastlab Samuel Jigo “qizil-oqlar”ni oldinga olib chiqqan bo‘lsa, oradan ko‘p vaqt o‘tmay Mario Fernandes muvozanatni tikladi. O‘yin yakunlanishiga oz fursat qolganda Jigo dubl qayd etgan holda maydon egalarining g‘alabasini ta’minladi.
Shu tariqa, Viktor Goncharenko shogirdlarining to‘rtta o‘yinlik mag‘lubiyatsiz seriyasiga nuqta qo‘yildi. “Spartak” esa bu g‘alabadan keyin to‘rtinchi o‘ringa ko‘tarilib oldi.Boshqa natijalar
Yana bir poytaxt derbisi “Dinamo” va “Lokomotiv” o‘rtasida kechdi. 3-daqiqadayoq odinga chiqib olgan mezbonlar aka-uka Miranchuklarning gollaridan keyin imkoniyatni boy berdi. Birinchi bo‘lim o‘rtalarida Aleksey Miranchuk hisobni tenglashtirdi, o‘yin yakunlanishi arafasida Anton Miranchuk “temiryo‘lchilar”ga irodali g‘alaba keltirgan golga muallif bo‘ldi.
Tur senatsiyasi Sankt-Peterburgda qayd etildi. “Zenit” o‘z maydonida “Axmat”ni mag‘lub eta olmadi va mavsumdagi ikkinchi durangni qayd etdi. Mazkur o‘yinda “Zenit” 80 daqiqadan ortiq vaqt mobaynida bir kishi ko‘p bo‘lib harakat qilgandi.
RPL
6-tur bahslari16-avgust, juma
Orenburg – Sochi 1:1
Gollar: 1:0 – 46, avtogol Kalugin, 1:1 – 68, penalti Poloz.17-avgust, shanba
Ural – Krilya Sovetov 1:3
Gollar: 0:1 – 28 Ginsar, 0:2 – 79 Sobolev, 0:3 – 84 Radonich, 1:3 – 90 Panyukov.Tambov – Krasnodar 0:2
Gollar: 0:1 – 2 Vanderson, 0:2 – 78 Utkin.Zenit – Axmat 0:0
Rubin – Arsenal Tula 1:0
Gol: 1:0 – 72 Markov.Ufa – Rostov 2:0
Gollar: 1:0 – 40 Igbun, 2:0 – 79 Igbun.Dinamo – Lokomotiv 1:2
Gollar: 1:0 – 3 Filipp, 1:1 – 28, penalti Al. Miranchuk, 1:2 – 82 An. Miranchuk.Spartak – SSKA 2:1
Gollar: 1:0 – 59 Jigo, 1:1 – 68 Fernandes, 2:1 – 79 Jigo.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)