“Bavariya”—“Herta”
Yangi mavsum amaldagi chempion “Bavariya” va “Herta” jamoalari o‘rtasidagi o‘yin bilan start oldi. Mazkur bahsda myunxenliklar kutilmaganda ochko yo‘qotdi (2:2). Barchasi mezbonlar uchun ko‘ngildagidek boshlangan edi, birinchi bo‘lim yarmida Robert Levandovski “Bavariya”ni oldinga olib chiqdi. Biroq berlinliklar 36 va 38-daqiqalarda ikkita gol urib, o‘yining borishini butkul o‘zgartirib yubordi. Ikkinchi bo‘limda “Alyans Arena” egalari raqib darvozasini bir marta ishg‘ol qila oldi, 60-daqiqada Levandovski penaltini aniq bajardi.
Shu tariqa, Niko Kovach shogirdlari mavsum startini muvaffaqiyatsiz tarzda boshladi. Biroq keyingi uchrashuvga “Bavariya” tarkibini kuchaytirib boradi. Nemis grandi o‘z safiga “Borussiya M” yarim himoyachisi Mikael Kyuizans va “Barselona” vakili Filippe Koutinyoni qo‘shib oldi.“Borussiya D”—“Augsburg”
Dortmundliklar o‘z odatlariga muvofiq mavsumning ilk o‘yinini ko‘tarinki ruhda o‘tkazdi. Dastlab ilk daqiqadayoq o‘z darvozasidan to‘p olib chiqqan “arilar” keyinchalik “Augsburg”ga beshta gol urishga muvaffaq bo‘ldi. Mehmonlarning goliga Pako Alkaser 3-daqiqadayoq javob qaytardi.
Mezbonlar ikkinchi bo‘lim debyutini juda yaxshi o‘tkazdi va to‘qqiz daqiqa ichida raqib darvozasi uch bor ishg‘ol etildi Jeydon Sancho, Marko Roys va Alkaserning gollari hisobni yirik ko‘rinishga olib keldi. O‘yin yakunlanishi arafasida “Borussiya”ning yangi futbolchisi Yulian Brandt uchrashuvga chiroyli nuqta qo‘ydi.
Ta’kidlash joiz, dortmundliklarning yangi futbolchilari mazkur bahsda yomon ko‘rinmadi. Torgan Azar va Niko Shults asosiy tarkibda tushgan bo‘lsa, Brandt zaxiradan o‘yinga qo‘shildi.“Union”—“Leypsig”
Boshqalar
Leverkuzenning “Bayer” klubi gollarga boy bo‘lgan uchrashuvda “Paderborn”ni mag‘lubiyatga uchratdi. “Ayntraxt” esa Frankfurtda “Hoffenhaym”ni minimal hisobda taslim etdi. Martin Hintereggerning 1-daqiqada urgan goli o‘yin taqdirini hal qildi.
“Borussiya” Myunxengladbax o‘zida “Shalke-04” bilan nursiz durang qayd etgan bo‘lsa, “Volfsburg”, “Frayburg” va “Fortuna” jamoalari g‘alabani qo‘lga kiritgan holda uch ochkoga ega bo‘ldi.
Bundesliga
1-tur bahslari
16-avgust, juma
“Bavariya”—“Herta” 2:2
Gollar: 1:0 — 24 Levandovski, 1:1 — 36 Lukebakio, 1:2 — 38 Gruyich, 2:2 — 60, penalti, Levandovski17-avgust, shanba
“Borussiya D”—“Augsburg” 5:1
Gollar: 0:1 — 1 Niderlexner, 1:1 — 3 Alkaser, 2:1 — 51 Sancho, 3:1 — 57 Roys, 4:1 — 59 Alkaser, 5:1 — 82 Brandt“Bayer”—“Paderborn” 3:2
Gollar: 1:0 — 10 Beyli, 1:1 — 15 Mishel, 2:1 — 19 Xeverts, 2:2 — 25 Mamba, 3:2 — 69 Folland“Volfsburg” — “Kyoln” 2:1
Gollar: 1:0 — 16 Arnold, 2:0 — 60 Vegxorst, 2:1 — 90 Terodd“Verder” — “Fortuna D” 1:3
Gollar: 0:1 — 36 Hennings, 1:1 — 47 Eggeshtayn, 1:2 — 52 Karaman, 1:3 — 64 Ayxan“Frayburg” — “Mayns” 3:0
Gollar: 1:0 — 81 Holer, 2:0 — 84 Shmid, 3:0 — 87 Valdshmidt18-avgust, yakshanba
“Ayntraxt” — “Hoffenxaym” 1:0
Gol: 1:0 — 1 Hinteregger.“Union” — “Leypsig” 0:4
Gollar: 0:1 — 16 Halstenberg, 0:2 — 31 Zabitser, 0:3 — 42 Verner, 0:4 — 69 Nkunku.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)