Pokiston hukumati Lahor va Hindiston poytaxti Nyu-Dehli o‘rtasidagi avtobuslar qatnovini bekor qildi. Reuters’ning qayd etishicha, bu ikki mamlakat o‘rtasidagi so‘nggi jamoat transporti yo‘nalishi edi.
Avvalroq Pokiston boshqa bir qator avtobus yo‘nalishlarini, shuningdek, ikkita poyezd qatnovini ham bekor qilgan edi.
Hindiston 6-avgust kuni Jammu va Kashmir shtatining alohida maqomi bekor qildi: uning o‘rnida vakolati shtatnikidan ko‘ra kamroq bo‘lgan ikkita o‘zini o‘zi boshqaruvchi hudud tashkil etiladi. Kashmir aholisining aksariyat qismi musulmonlardir; Pokiston an’anaviy tarzda ularni qo‘llab-quvvatlab keladi.
Pokiston avvalroq aynan Jammu va Kashmir shtati masalasi sababli Hindiston bilan diplomatik aloqalar darajasini pasaytirishini, shuningdek, chegaraoldi savdosini to‘xtatishini ham e’lon qilgan edi.
Izoh (0)