AQSh prezidenti Donald Tramp uchta joyda sodir bo‘lgan ommaviy otishmalardan so‘ng, Oq uyda xalqqa murojaat bilan chiqdi, deb xabar beradi “MK.ru”.
Trampning aytishicha, u Adliya vazirligiga qisqa muddat ichida “murosasizligi sabab ommaviy qotillik sodir etganlar”ni o‘limga mahkum etish bo‘yicha qonun loyihasini ishlab chiqishni topshirgan.
Bundan tashqari AQSh prezidenti FQBdan mamlakatdagi ekstremistlarni aniqlash va internetga alohida e’tibor qaratishni talab qilgan.
“Internet ruhiyati kuchsiz bo‘lgan insonlarga xavfli imkoniyatlarni taqdim etib, ularning aql bovar qilmas jinoyatlarni sodir etishiga yo‘l ochib berganini tan olishimiz kerak”, — deydi Tramp.
Trampning so‘zlariga ko‘ra, ijtimoiy tarmoq egalariga ommaviy otishma sodir etishmoqchi bo‘lganlarni aniqlash mexanizmini ishlab chiqish vazifasi topshiriladi.
Izoh (0)