Vyetnamda 4-avgust kuni Wipha po‘rtanasi yopirilishi oqibatida suv toshqini va ko‘chkilar yuzaga keldi, deb xabar bermoqda “Korrespondent.net”. Oqibatda 5 kishi halok bo‘lgan, 14 nafari bedarak yo‘qolgan.
Xabarda aytilishicha, po‘rtana Vyetnam shimoli-sharqida joylashgan Kuangnin provinsiyasi va unga yaqin joylashgan Xayfon port shahriga 2-avgust kuni yopirilgan.
Bo‘ron kuchli yomg‘irni keltirib chiqargan va ko‘chalarning suv bosishi, Vyetnamning markaziy va shimoliy qismidagi bir necha provinsiyalarda suv toshqini, ko‘chkilar yuzaga kelishiga sabab bo‘lgan.
Bu esa 3-avgust kuni Txanxoa provinsiyasidagi aholining 3 nafari halok bo‘lishi, 13 nafarining bedarak yo‘qolishiga olib kelgan. Bakkan va Denben provinsiyalarida esa bittadan odam halok bo‘lgan.
Shuningdek, kuchli yomg‘ir va uning oqibatida yuzaga kegan suv toshqini qariyb 50 ta uyning vayron bo‘lishiga, yana 200 ta uyning qisman shikastlanishiga olib kelgan.
Izoh (0)