Kecha, 5-avgust kuni Hindistonning Tar cho‘lida joylashgan Jaysalmir poligonida Xalqaro armiya o‘yinlarining “Qo‘shinlar razvedkasi a’lochilari” musobaqasi 1-bosqichiga qur’a tashlandi. Bu haqda Mudofaa vazirligi Axborot va ommaviy kommunikatsiyalar departamenti “Daryo”ga xabar berdi.
Qur’a natijasiga ko‘ra, O‘zbekiston razvedkachilari jamoasi mazkur bosqichni birinchi bo‘lib boshlab beradigan bo‘ldi.
Shu kunning o‘zida “Qo‘shinlar razvedkasi a’lochilari” tanlovining ochilish marosimi ham bo‘lib o‘tdi.
Unda Hindiston mudofaa vaziri o‘rinbosari general-leytenant D. Axudja va Rossiya mudofaa vaziri o‘rinbosari general-leytenant Yunusbek Yevkurov ishtirok etdi. Marosim davomida ishtirokchilarga O‘zbekiston madaniyati ko‘rgazmasi ham namoyish etildi. Jaysalmirning “Xalqlar do‘stligi” uyida tashkil etilgan ushbu ko‘rgazma mezbon yurt va ishtirokchi davlatlar harbiy xizmatchilarida katta qiziqish uyg‘otdi.
“Bugun, 6-avgust kuni razvedkachilarimiz 1-shart mashqiga ko‘ra shartli dushman tomonga o‘tishidan boshlangani sababli barcha vazifalar tunda bajariladi.
Birinchi bo‘lib razvedchiklar belgilangan talablarni bajarib, harbiy vertolyotga chiqish amallarini o‘tkazadi. Vertolyot razvedchiklarni shartli dushman tomonga olib o‘tib qo‘yganidan so‘ng undan sakrab tushish amallari o‘tkaziladi.
Eslatib o‘tamiz, mazkur yo‘nalishda bu yil Hindiston, Rossiya, Xitoy, Armaniston, Qozog‘iston, O‘zbekiston va Belarusdan kelgan razvedka jamoalari ishtirok etmoqda”, — deyiladi xabarda.
Izoh (0)