O‘zbekiston Oliy Majlisi Senati raisi Tanzila Norboyeva Koreya respublikasiga tashrifi chog‘ida Hyundai Motors kompaniyasi vitse-prezidenti Sang Jun Kim bilan uchrashib, muzokaralar olib bordi. Bu haqda jurnalist Jonibek Ma’rupov “Daryo”ga xabar bermoqda.
Shuningdek, Koreya respublikasi Ixtirochi ayollar uyushmasi raisi Insil Li bilan ham uchrashuv bo‘lib o‘tdi.
Bundan tashqari, Butunjahon saylov organlari uyushmasi (BSOU) bosh direktori Kim Deil bilan uchrashuvda esa BSOUning O‘zbekiston Respublikasi Markaziy saylov komissiyasi bilan ikki tomonlama aloqalarini yanada mustahkamlash masalalari muhokama etildi.
Shu o‘rinda BSOU O‘zbekistonda joriy yil dekabrda bo‘lib o‘tadigan parlament saylovi haqida xabardor qilindi. Ma’lumot o‘rnida aytish mumkinki, O‘zbekiston Markaziy saylov komissiyasi BSOUning to‘laqonli a’zosi hisoblanadi.
Shuningdek, parlament delegatsiyasi a’zolari Koreya—O‘zbekiston biznes-markaziga borib, uning faoliyati bilan yaqindan tanishdi.
Eslatib o‘tamiz, joriy yil 6—9-avgust kunlari O‘zbekiston parlamenti delegatsiyasi Koreya respublikasida bo‘ladi.
Izoh (0)