Hato “Ayaks”ning eng qimmat 10 ta transferidan biriga aylandi

Londonning “Chelsi” klubi Niderlandiyaning “Ayaks” jamoasidan himoyachi Yorrel Hatoni sotib olganini rasman e’lon qildi. 19 yoshli futbolchi ingliz klubi bilan 2032-yil yozigacha amal qiladigan uzoq muddatli shartnoma imzoladi.

Londonliklar futbolchini 44 million yevro evaziga xarid qilgan. Transfermarkt portali ma’lumotlariga ko‘ra, Hatoning transferi “Ayaks” tarixidagi eng qimmat sotilgan futbolchilar reytingida 5-o‘rinni egalladi.

Ro‘yxatning birinchi pog‘onasidan “Manchester Yunayted”ning braziliyalik futbolchisi Antoni joy oldi. Amsterdam klubi uni 2022-yilning yozida “qizil iblislar”ga 95 million yevro evaziga transfer qilgan edi. Ikkinchi pog‘onani Frenki de Yong egallagan bo‘lsa, kuchli uchlikka Matteys de Ligt yakun yasadi.

“Ayaks” tarixidagi eng qimmat 10 ta transfer:

1. Antoni — “Manchester Yunayted”ga – 95 mln yevro;
2. Frenki de Yong — “Barselona”ga – 86 mln yevro;
3. Matteys de Ligt — “Yuventus”ga – 85,5 mln yevro;
4. Lisandro Martines — “Manchester Yunayted”ga – 57,4 mln yevro;
5. Yorrel Hato — “Chelsi”ga – 44,2 mln yevro;
6. Muhammad Quddus — “Vest Hem”ga – 43 mln yevro;
7. Davinson Sanches — “Tottenhem”ga – 42 mln yevro;
8. Yurriyen Timber — “Arsenal”ga – 40 mln yevro;
9. Hakim Ziyesh — “Chelsi”ga – 40 mln yevro;
10. Donni van de Bek — “Manchester Yunayted”ga – 39 mln yevro.