Hindistonda tilla taqinchoqlarni mamlakat hududiga noqonuniy olib o‘tishga uringan styuardessa qo‘lga olindi, deb xabar beradi “Gazeta.ru”.
The Indian Express nashrining yozishicha, qiz Londondan Dehliga kelib qo‘ngan reysdan so‘ng, yuk chamadonini tekshirish vaqtida qo‘lga tushgan.
Ma’lumotlarga ko‘ra, styuardessadan sumkasini rentgen skaneriga qo‘yishni talab qilishgan, biroq u mazkur sumka o‘ziga tegishli emasligini ma’lum qilgan.
Videoyozuvlar sumka qo‘lga olingan shaxsga tegishli ekanligini tasdiqlagan. Uning ichida og‘irligi yarim kilogrammga teng oq oltindan ishlangan ikkita bilakuzuk bo‘lgan.
Hindiston qonunchiligiga ko‘ra, ekipaj a’zolari 40 grammdan ortiq tillani olib o‘tish mumkin emas.
Izoh (0)