Misrda bundan 3,3 ming yil oldin yashagan fir’avn Tutanhamonning oltin suvi yuritilgan sarkofagi restavratsiya qilinmoqda, deb xabar beradi “Korrespondent.net”.
Giza piramidasidagi yangi Misr muzeyi ustaxonasiga restavratsiya jarayonlarini yoritish uchun bir qator jurnalistlar taklif etilgan.
Sarkofag yosh hukmdorning Luksordagi xilxonasidan olib ketilganiga bir oy bo‘ldi. Govard Karter tomonidan topilgan mazkur qabr salkam yuz yildan buyon birinchi marotaba Qohiraga olib kelingan.
Misr qadimiy obidalar ishlari bo‘yicha vaziri Holid al-Annanining aytishicha, restavratsiya ishlari salkam sakkiz oy davom etadi.
“Bu Tutanhamonning uchinchi sarkofagi bo‘lib, u 12-iyul kuni xilxonadan ikki sababga ko‘ra olib chiqildi: birinchidan, mazkur sarkofag boshqa ikkita sarkofag hamda boshqa xazinalar bilan birgalikda keyinroq namoyishga qo‘yiladi, ikkinchidan, sarkofag restavratsiyaga muhtoj”, — deydi vazir.
Izoh (0)