Tengrinews prezidentlar qanaqa poyabzal kiyishi tasvirlangan suratlarni to‘plab taqdim etdi. Ma’lum bo‘lishicha, Qozog‘iston prezidenti Qosim-Jo‘mart To‘qayev mahalliy poyabzallarni kiyishni ma’qul ko‘radi.
Rossiya prezidentining bo‘yi pastligi sabab poshnasi yuqori oyoq kiyim kiyib yuradi. Jurnalistlar bu kabi “baland” poyabzallarni Rossiya bosh vaziri Dmitriy Medvedevda ham bir necha bor payqashgan. Bir safar u Nursulton Nazarboyev bilan uchrashuvga 5 santimetrli platformada kelgan. Nazarboyevning bo‘yi 170 santimetr bo‘lsa, Medvedevniki 163 santimetrga teng.
Belarus prezidenti Aleksandr Lukashenko esa Vibetsk viloyatida ishlab chiqarilgan poyabzallarni kiyishni ma’qul ko‘radi, bu haqda u Nursulton Nazarboyevga so‘zlab bergan.
O‘zbekiston Prezidenti Shavkat Mirziyoyevning Z Zegna brendiga oid krossovkasi esa 317 dollar turadi. Hayit arafasida e’lon qilingan suratdan keyin uning narxi 500 dollarga chiqib ketgan.
Buyuk Britaniya qirolichasi Yelizaveta II esa bitta poyabzalni 5—7 yil kiyadi. Poshnasi yeyilib ketgudek bo‘lsa, faqat o‘sha qismi almashtiriladi, xolos.
Ukraina sobiq prezidenti Pyotr Poroshenko ham bitta oyoq kiyimni uzoq vaqt kiyib yuradi. Poroshenko Barak Obama bilan uchrashuvga g‘ijim kastyumda kelgani ancha vaqt gap-so‘z bo‘lgan edi.
Izoh (0)