AQSh prezidenti Donald Tramp mamlakatda sodir bo‘lgan ommaviy otishmalarni jinoyatchilarning ruhiy nosog‘lomligi bilan bog‘ladi, deb xabar beradi “Korrespondent.net”.
Oq uy yetakchisi Ogayo va Texasdagi noxush hodisalarni qoralab, “bizning mamlakatda nafratga o‘rin yo‘q”, deya ta’kidladi.
Shuningdek, Trampning qayd etishicha, ommaviy otishmalarga bog‘liq muammo necha yillardan buyon hal etilmagan va buni to‘xtatish zarur. Tramp ushbu masalani bosh prokuror, FQB direktori hamda Kongress a’zolari bilan muhokama qilgan.
Shu bilan birga Amerika yetakchisi otishma uyushtirganlarni “jiddiy ruhiy kasal” deb atadi.
“Ikkala hodisaga ham e’tibor bering, bu ruhiy nosog‘lomlik. Bu odamlar jiddiy kasal”, — deydi Tramp.
4-avgust kuni AQShda sutka davomida ikki marotaba ommaviy qotillik ro‘y berdi. Ogayodagi otishmada 9 kishi halok bo‘ldi, 16 kishi yaralandi. Texas shtatining El-Paso shahridagi otishma oqibatida esa 20 kishi halok bo‘ldi.
Izoh (0)